Colabora economicamente com o Festival da Terra e da Língua. Fai a tua achega na conta:

2080-0226-61-3040022733

Os Grupos



Ulträqäns

Ulträqäns nasce num andar que salvou da piqueta de derrubo no bairro corunhês das Atochas-Monte Alto.

Agora é um choco metaloplástico que se propulsa batendo nas moléculas com fúria zoupadora de vários quilo-estalos.

Ulträqäns reivindica a paixom polo frenesi  abrouxador e polo paroxismo.

Ulträqäns só quer festa, pándigo e má óstia.

Ulträqäns maltrata claquetas e metrónomos. Nom conhece a piedade.

Ulträqäns quer dar-vos umha aperta fortemente com os seus téntaculos harmónicos de ferro + algoritmo licor café.

Que o desfrutem. Chipirixouba!




Zënzar
Zënzar é umha banda formada no ano 1987 em Meirama (Cerzeda) depois de que nos inícios dos 80 um gupos de moços transmitissem esta afeiçom roqueira desde bandas como Cobra ou Átomo. O primeiro concerto foi no natal de 88: em 2013 celebram o 25 aniversário.

As primeiras gravaçons som editadas sob o nome de Mördor passando a chamar-se Zënzar no ano 1993 mas sem variar a formaçom. O nome já nom mudaria até a atualidade e já editárom 7 cd´s e um dvd ao vivo assim como participárom em muitas compilaçons. Na atualidade Zënzar é a banda decana do Rock Galego com umha só mudança na sua formaçom desde o início e muitas bandas os consideram os "padrinhos" do rock galego.




Sacha na Horta

Sacha na Horta é um grupo de mulheres que nasceu numha noite de festa entre as hortas de Compostela. Embriagadas pola música e polo álcool decidem provar os efeitos fertilizantes do licor café e das melhores sementes agromárom os repolos mais extraordinários que deu a terra.

Como a noite é mui longa apresentárom-se ao A Polo Ghit 2007 e, como a vida é surpreendente ... ganhárom. Volta a pegar no sacho! 

Estreiam-se em janeiro de 2008 no Centro Social A Gentalha do Pichel de Compostela. O  seguinte concerto será em Havana. A partir daí, sempre abaixando o lombo sem deixar de bailar, o “agropunk mestiço” das sachadoras nom deixará de soar porque... 




Colhom de Lola

Abrumados ao repararem que todo tempo passado foi melhor e, sobretodo, passado, quer dizer, que jamais voltará. Longe de tentar deixá-lo todo atrás e olhar para a frente, 5 colhons procedentes de diferentes pontos da Galiza, como Ferrol, Tui, Compostela, Ponte Vedra e até França e Polónia, decidírom embarcar-se na procura do limbo onde o bocata de nocilha, o rock´n´roll e as séries de televisom som os protagonistas, aqueles tempos em que só havia que preocupar-se do nível de superguerreiro a que chegaria Songoku ou se Crilín conseguiria reunir a valentia precisa para meter-lhe ficha a c18.

Os integrantes, Martin Kuperberg “Kuper” (Guitarra), Alberto Quintia “Quinti” (Baixo), Iago Saiáns “Peteiro” (Trompeta), Adrián Salgado “Pichi” ou “Loca” (Bateria), Jacobo Roselló “Pupi”(Voz), e Raúl do Metal “Mazinger” (Voz), som gente com influências musicais muito diversas, mas que tenhem em comum umha única religiom: o Xabarín Club.

O que este grupo procura e dar a entender à gente que fazer é lembrar sem parar através da música para que o tránsito até o irrevocável final seja mais agradável!



E tu, já és do clube? A.F.I.L.I.A.T.E.!



Sessión Vermú

Grupo compostelano de "folk-liada e pachangueo" que nom deixará a ninguém indiferente no Festival Terra e da Língua 2013.